Jump to content

ضبط کر کے ہنسی کو بُھول گیا

Rate this topic


jannat malik

Recommended Posts

ضبط کر کے ہنسی کو بُھول گیا
میں تو اُس زخم ہی کو بُھول گیا
ذات در ذات ہمسفر رہ کر
اجنبی، اجنبی کو بُھول گیا
صبح تک وجہِ جانکنی تھی جو بات
میں اُسے شام ہی کو بُھول گیا
عہدِ وابستگی گزار کے میں
وجہِ وابستگی کو بُھول گیا
سب دلیلیں تو مجھ کو یاد رہیں
بحث کیا تھی اِسی کو بُھول گیا
کیوں نہ ہو ناز اِس ذہانت پر
ایک میں، ہر کسی کو بُھول گیا
سب سے پُراَمن واقعہ یہ ہے
آدمی، آدمی کو بُھول گیا
قہقہہ مارتے ہی دیوانہ
ہرغِم زندگی کو بُھول گیا
خواب ہا خواب جس کو چاہا تھا
رنگ ہا رنگ اسی کو بُھول گیا
کیا قیامت ہوئی اگر اِک شخص
اپنی خوش قسمتی کو بُھول گیا
سوچ کر اُس کی خلوت انجمنی
واں میں اپنی کمی کو بُھول گیا
سب بُرے مجھ کو یاد رہتے ہیں
جو بَھلا تھا اُسی کو بُھول گیا
اُن سے وعدہ تو کر لیا لیکن
اپنی کم فُرصتی کو بُھول گیا
بستیو! اب تو راستہ دے دو
اب تو میں اس گلی کو بُھول گیا
اُس نے گویا مُجھی کو یاد رکھا
میں بھی گویا اُسی کو بُھول گیا
یعنی تم وہ ہو ، واقعی؟ حد ہے
میں تو سچ مُچ سبھی کو بُھول گیا
آخری بُت خدا نہ کیوں ٹھہرے
بُت شکن بُت گری کو بُھول گیا
اب تو ہر بات یاد رہتی ہے
غالباً میں کسی کو بُھول گیا
اس کی خوشیوں سے جلنے والا جون
اپنی ایذا دہی کو بُھول گیا

 

Link to comment
Share on other sites

21 hours ago, Zarnish Ali said:

ﺗﻢ ﮨﻮ ﺟﺎﻧﺎﮞ ﺷﺒﺎﺏ ﻭ ﺣﺴﻦ ﮐﯽ ﺁﮒ
ﺁﮒ ﮐﯽ ﻃﺮﺡ ﺍﭘﻨﯽ ﺁﻧﭻ ﻣﯿﮟ ﮔﻢ
ﭘﮭﺮ ﻣﺮﮮ ﺑﺎﺯﻭﺅﮞ ﭘﮧ ﺟﮭﮏ ﺁﺋﯿﮟ
ﻟﻮ ﺍﺏ ﻣﺠﮭﮯ ﺟﻼ ﮨﯽ ﮈﺍﻟﻮ ﺗﻢ
ﺟﻮﻥ ﺍﯾﻠﯿﺎ

 

 

ہر نفس ہے کسی مفر کی تلاش
مجھ کو اپنے حصار میں لے لو
میرا اب خود پہ اختیار نہیں
تم مجھے اختیار میں لے لو
(جون ایلیا)

Link to comment
Share on other sites

Join the conversation

You can post now and register later. If you have an account, sign in now to post with your account.
Note: Your post will require moderator approval before it will be visible.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • Recently Browsing   0 members

    • No registered users viewing this page.
  • Forum Statistics

    2.3k
    Total Topics
    9.5k
    Total Posts
×
×
  • Create New...